HATAW! D'yaryo ng Bayan hatawtabloid.com
INGRATO raw ang mga Filipino na hindi man lang nakita ang pagsisikap ng Philippine National Police (PNP) nang bigyan sila ng kapanatagan lalo sa disoras ng gabi.
Ang maysabi niyan si PNP chief, Director General Ronald “Bato” dela Rosa.
Listen to this bulging man, mukhang walang alam gawin kundi ang umiyak at manumbat sa mga taong dapat na pinaglilingkuran nila.
Kung tutuusin, kapos na kapos ang ‘common sense’ nitong si Bato.
Nang sabihin ni Digong na ‘patayin’ his men take it literally. Lalo na ‘yung mga utak-pulbura.
Pero ang kaya lang palang patulan e mga batang walang muwang.
Sonabagan!
E kung bigtime ‘yang mga pinapatos ninyo, baka ipagtayo pa kayo ng monumento.
Mismong si Senate President Koko Pimentel, hindi na nakatiis.
Mantakin ba namang tanungin ni Bato kung hindi ba nararamdaman ng Senador ang kapayapaan as in ‘peace’ kapag naglalakad sila sa kalye dahil sa isinusulong umano nilang war on drugs.
Dahil wala na raw nagkalat na mga loko sa gabi Naku, hindi lang peace, Gen. Bato, rest in peace!
At wala na talagang lumalabas sa gabi dahil kahit hindi sila kabilang sa mga bumibiyahe ng ilegal na droga, malamang ma-tokhang sila.
Gaya nang nangyari kina Kian, Carl at Kulot.
Sabi nga ni Senator Koko, “Where is the peace and order that [Philippine National Police Director General Ronald] dela Rosa says the people are ungrateful for?”
Nasaan nga ba Gen. Bato? Bakit hanggang ngayon ay wala kayong maiharap na riding-in-tandem, kung talagang hindi mga pulis ang may gawa niyan?
Sabi ninyo, awayan sa ilegal na droga. E alam pala ninyo, bakit hindi man lang ninyo mahuli?!
Kapag naipakita na ninyo sa sambayanan na hindi mga pulis ang riding-in-tandem na ‘yan, masusudsod na ninyo kung bakit nagpapatayan ang mga sindikato ng ilegal na droga.
Hindi sapat na rason, na komo sila-silang mga ilegalista ang nagpapatayan ay mananahimik na lang ang PNP at manonood kung paano magpatayan sa harap ng mga inosente nating kababayan ang mga naglalabanang sindikato ng droga.
Hindi mareresolba ang iba pang krimen at hindi ninyo mapapanagot kung sino ang mga taong sangkot sa ilegal na gawain kung hindi ninyo sisimulan sa riding-in-tandem.
‘Yan ay kung totoong hindi sangkot ang PNP diyan. Hangga’t wala kayong nahuhuling riding-in-tandem na sangkot sa maraming patayan, hindi ninyo mapapawi ang pananaw ng maraming mamamayan na mismong ang law enforcers ang lumalabag sa umiiral na batas.
So, Gen. Bato, please make up your mind, and do your duty very well. May makita man lang kaming tunay na pagbabago sa hanay ng pulisya bago kayo magretiro.
Makaaasa ba ang sambayanang Filipino, Gen. Bato?
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
BULABUGIN
ni Jerry Yap
