HATAW! D'yaryo ng Bayan hatawtabloid.com
BUGBOG-SARADO ng mga kapitbahay ang isang lalaki makaraan pagtangkaang halayin ang isang dalagita sa opisina ng grupong Ka-damay sa inookupahan nilang pabahay sa Pandi, Bulacan, nitong Miyerkoles.
Sa ulat mula sa Pandi police, kinilala ang suspek na si Albert Barcenas, kapitbahay ng 16-anyos biktima.
Ayon sa ulat, nalasing ang dalagita makaraan makipag-inoman sa mga kaibigan sa pagdiriwang ng kanyang kaarawan.
Nang malasing, nakatulog ang biktima sa opisina ng grupong Kadamay.
Ayon sa pahayag ng biktima, nang maalimpungatan siya ay nasa ibabaw na niya ang nakahubo nang si Barcenas.
Itinulak niya ang suspek at tumakas saka nagsumbong sa mga kaibi-gan hanggang sinugod ng mga kapwa residente si Barcenas at binugbog.
Todo-tanggi si Barcenas sa paratang ng menor de edad habang nasa kulungan ng Pandi Police Station.
Nahaharap ang suspek sa kasong attempted rape.
(MICKA BAUTISTA)
