Nadine, ayaw patulan ang mga taong bumabatikos sa kanya

DEADMA na lang si Nadine Lustre sa mga taong patuloy siyang binibira at lahat halos ng kanyang galaw ay binibigyang kulay.

Tsika ng ilang taong close kay Nadine, hindi apektado si Nadine sa tuloy-tuloy na batikos ng ilang kapatid sa panulat dahil imbes na magalit ito, ginagawa na lang inspirasyon ni Nadine ang mga pagne-nega sa kanya para mas magtrabaho pa ng maayos at dito na tumutok. Aminado si Nadine na bantay sarado ang bawat galaw niya bilang public property dahil artista siya kaya hindi nito nagagawang magalit sa mga taong patuloy ba binabanatan siya.

Maraming bagay pa naman ang puwede nitong gawin kaysa pumatol, katulad ng pagtulong sa mga batang may karamdaman, pagtutok sa kanyang negosyo at iba pa. Sa ngayon, abala si Nadine mula Monday to Saturday sa pagho-host sa It’s Showtime at tinatapos niya rin ang kanyang album. Lalabas na rin ang kanyang libro at malapit na siyang mag-shoot ng kanyang bagong pelikula habang pinoproseso naman ang susunod nilang telesereye ni James Reid.

MATABIL – John Fontanilla