HATAW! D'yaryo ng Bayan hatawtabloid.com
DALAWANG magagaling na performer ang mawawala sa Gabinete ni Pangulong Rodrigo “Digong” Duterte.
Una, si Department of Social Welfare and Development (DSWD) Sec-retary Judy Taguiwalo na tuluyang tinanggihan at hindi pinalusot ng makapangyarihang Commission on Appointments (CA) kahapon.
Umabot sa 13 mambubutas ‘este mambabatas ang tumutol sa kompirmasyon ni Prof. Judy Taguiwalo bilang kalihim ng DSWD. Siya ay inirekomenda ng Communist Party of the Philippines (CPP) kay Pangulong Digong para pamunuan ang departamentong nangangasiwa sa kagalingan ng mahihirap nating kababayan mula sa iba’t ibang sektor.
Bago pumasok sa Gabinete ni Pangulong Duterte si Madam Judy, may PhD, ay isang social worker, social activist, at educator.
Hindi natin alam kung ano ang rason ng mga mambabatas na nagbasura sa kompirmasyon ni Madam Judy.
Pero mukhang ayaw ng CA ng mga taong nagtatrabaho gaya ni ex-appointed DENR secretary Gina Lopez na hindi rin nila pinalusot.
Ikalawang mawawala sa Gabinete ng Pangulo ang retirable na si AFP chief of staff General Eduardo Año.
Bago ang buwan ng Hunyo, nais ilipat ng Pangulo si Año sa Department of the Interior and Local Government (DILG) ngunit biglang pumutok ang Marawi crisis noong 23 Mayo 2017, kaya hindi siya nailipat.
Pero nangako ang Pangulo na sa pagreretiro niya sa 27 Oktubre ng taong ito, siya ang itatalagang maging Kalihim ng DILG.
Ayon sa Pangulo, mas gusto niyang magtalaga ng mga military men dahil sa kanilang disiplina at kakayahang mamuno.
Pero may malaking sagwil para maitalaga agad si Gen. Año sa DILG.
‘Yan ang Republic Act 6975 (Department of the Interior and Local Government Act of 1990) na nagsasaad na “no retired or resigned military officer or police official may be appointed as Secretary within one year from the date of his retirement or resignation.”
Ibig sabihin, hindi pa agad puwedeng maitalaga si Gen. Año after his term as AFP chief of staff.
Kaya nga kamakalawa ay naghahanap ng alternatibong solusyon ang Pangulo.
Sabi ng Palasyo, nakipagpulong si Tatay Digs kay dating Defense Secretary Gilbert “Gibo” Teodoro. Hindi natin alam kung inialok sa kanya ang DILG o iniaalok sa kanyang misis na si Nikki Prieto ang DSWD.
O baka naman, mag-asawa silang inaalok?!
Naispatan din umano si Uncle Peping sa Palasyo.
Wattafak!?
Ano naman kaya ang epal ni Uncle Baba ‘este’ Peping?
Kung hindi magiging patok ang mga “alternative solution” ng Pangulo, ibig sabihin, magkakaroon ng butas ang Gabinete ng Pangulo?!
For the meantime, let’s wait and see…
ISYUNG HIGH HEELS
PINAKINGGAN NA RIN
SA WAKAS NG DoLE
Alam ba ninyong ang isyu ng pagsusuot ng high heels, pag-a-apply ng make-up na parang sasali sa beauty contest sa sobrang kapal ay mga isyung matagal nang inilaban ng mga sales lady sa SM Cubao sa Department of Labor and Employment (DOLE)?!
Bureau of Labor pa yata noon ang DOLE.
Bukod sa dalawang isyu na ‘yan, inilaban din ng mga sales lady sa SM Cubao ang kasigurohan sa trabaho. Kung hindi tayo nagkakamali, ang mga sales lady noon sa Cubao kapag tumuntong sa 30-anyos ay binibigyan na ng termination order kasi matanda na raw sila para sa trabaho.
At higit sa lahat, bawal ang may suot na shorts o half slip bilang undergarments sa mga sales lady ng SM noong araw, kailangan naka-panty lang.
At bago sila lumabas ng trabaho, iinspeksiyonin pa sila ng bisor at guwardiya kung walang itinatago sa kanilang mga panloob.
At ‘yun po ang katotohanan noong mga panahon na iyon. Kapag sales lady ka, ikaw ay kailangan magbihis na parang isang kontesera sa beauty pageant.
Pagkatapos nang halos apat na dekada, ngayon lang napagtanto ng lipunan kung anong hirap ang dinaranas ng mga sales lady sa otso oras na kanilang pagtatrabaho.
Maghapong naka-high heels at walang upuan!
Ngayon, naglabas na raw ng patakaran ang DOLE sa pamamagitan ng Occupational Safety and Health Center (OSHC), the Bureau of Working Conditions (BWC) at ng Bureau of Special Working Concerns (BSWC).
Ipinatitigil na ng DOLE ang pagsusuot ng high heels ng mga sales lady at pinabibigyan ng pahinga sa pagkakatayo sa loob nang mahabang oras bukod pa sa regular breaktime.
Ilang mga kaibigan nating Chinese nationals na retirado na sa kanilang trabaho bilang sales lady sa Hong Kong, 20 taon silang maghapong nakatayo, hindi naka-high heels kundi flat shoes pa ang suot nila sa paa pero ngayon sa pagtanda nila ay may problema sa tuhod (knee injury).
E paano pa kaya ‘yung mga sales lady dito sa ating bansa na maghapong naka-high heels at walang pahinga?!
Kaya kung seryoso ang DOLE sa kanilang bagong patakaran maniniwala tayo sa sinabi ni Senator Nancy Binay na, “Kaya nga isang malaking hakbang tungo sa makataong pagtrato sa mga kababaihan sa kanilang trabaho ang polisiyang ito.”
Sana nga.
Pansamantala, pasasalamatan natin si Secretary Silvestre “Bebot” Bello III.
Pero sana, silipin pa niya ang mas nakaaawang kondisyon ng iba pang mga manggagawa sa buong bansa.
By the way, may inilalaan bang parusa ang DOLE sa mga kompanyang mahuhuling nagpapasuot pa rin ng high heels at hindi binibigyan ng pahinga ang mga sales lady!?
Parang wala kaming naririnig…
Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
