Markadong tulak utas sa buy-bust

BUMULAGTANG walang buhay ang isang 30-anyos lalaking sinasabing notoryus na tulak ng ilegal na droga, makaraan makipagbarilan sa mga awtoridad sa buy-bust operation ng mga operatiba ng Manila Police District (MPD) sa Tondo, Maynila, kamakalawa ng gabi.

Idineklarang dead-on-arrival sa Gat Andres Bonifacio Memorial Medical Center ang suspek na si Ronel Langcuyan alyas Hapon, 30, kabilang sa talaan ng drug watchlist ng pulisya, at re-sidente sa Bilbao St., Tondo.

Ayon kay MPD Station 2 commander, Supt. Santiago Pascual lll, dakong 8:40 pm nang ikasa ng kanyang mga tauhan ang buy-bust operation sa Bilbao St.

“Tang-na Pulis ka!” Sigaw ng suspek sa kalagitnaan ng transaksiyon at pinaputukan ang poseur buyer.

Gumanti ng putok ang mga pulis na nagresulta sa pagkamatay ng suspek.

(BRIAN GEM BILASANO)