HATAW! D'yaryo ng Bayan hatawtabloid.com
TATLONG babae ang nadakip sa isinagawang Oplan Galugad ng Blumentritt Police Community Precinct (PCP) matapos mahuli sa isang pot session sa loob mismo ng bahay ng isa sa mga suspek nitong nakaraang gabi.
Ayon sa ulat, pasado 11:00 pm nang magsagawa ang mga pulis ng operasyon sa M. Hizon St., Sta. Cruz Maynila nang mahuli sa akto ang tatlong babae na nagpapasahan ng tooter sa nasabing lugar.
Kinilala ang mga suspek na sina Lorna Padua, 48, residente sa pinangyarihang lugar; Charito Urbano, 53, tindera, residente sa Sampaguita St., at Iris Jacinto, 36, sekretarya, residente sa Sulu St., ng nasabing lungsod.
Nakompiska ng mga awtoridad ang isang pakete at dalawang aluminum strips ng hinihinalang shabu at mga drug paraphernalia.
Kasalukuyang nakapiit ang mga suspek sa PS-3 Custodial Facility at nakatakdang sampahan ng kasong “possession of dangerous drugs at possession of equipment, instrument, apparatus and dangerous drugs during social gatherings.” (ALEXIS ALATIIT)
