HATAW! D'yaryo ng Bayan hatawtabloid.com
NAKATSIKAHAN namin si Harlene Bautista sa yearly birthday treat ni Mayor Herbert Bautista sa movie press para sa buwan ng July, August, at September. Ginanap ito sa Salu Restaurant sa Sct Torillo, QC.
Ayon kay Harlene, nasa London ang Kuya Bistek niya kaya siya ang punong abala at nag-asikaso.
Tinanong siya kung boto ba siya na mapangasawa ni Mayor Herbert si Kris Aquino?
“Oo,” mabilis niyang sagot.
“Nakita ko naman noon na happy si Kuya..noong time na ‘yun,” dagdag pa niya.
“Ang sa akin lang, kung sino man ‘yan, basta mahal siya ng totoo, may respeto sa kanya, mahal siya dahil mahal lang siya, ganoon, okey ako,” sambit pa ni Harlene.
Nagkabalikan ba sila?
“Hindi ko rin po alam,” pakli niya.
“Baka tsismis lang ‘yan,” sey pa niya.
Kailan ba pakakasal si Mayor?
“’Yan ang tanong… ha!ha!ha! Tanong ko rin ‘yun, eh. Ipagno-novena ko rin ‘yan,”tugon ng aktres.
Tungkol naman sa nakatatandang kapatid nina Harlene na si Hero Bautista, okey na ngayon, tumaba at lalabas na sa rehab.
Ang natutuhan ng pamilya in general, hindi lang kay Hero…salot talaga ang drugs.
Anyway, kasosyo ang Heaven’s Best Entertainment nina Harlene sa pelikulangLarawan… The Musical na intended para sa Metro Manila Film Festival.
TALBOG – Roldan Castro
