Janella at Elmo, tinalbugan ni Ronnie sa billing

INIINTRIGA ang layout ng poster na may ‘and’ at solo ni Ronnie Alonte ang billing sa pelikulang Bloody Crayons. Tinalbugan niya sina Janella Salvador,Elmo Magalona na naging bida na rin sa ilang pelikula.

Ayon sa Star Cinema AdProm Head na si Mico Del Rosario, management decision ‘yun. ‘Yung pinaka-senior in terms of filmography it came in first and last, so nauna si Janella hanggang kay Ronnie.

Ipinaliwang din sa mga cast ng Bloody Crayons na hindi naman sa billing kundi kung paano ayusin ang work at kung paano maayos na i-portray ang role.

Kasama rin sa pelikula sina Sofia Andres, Diego Loyzaga, Jane Oineza, Maris Racal, Yves Flores, Empoy Marquez.

Madugo ang pelikulang Bloody Crayons dahil maraming desgrasya ang nangyari sa cast. Nabukulan si Janella. Si Yves ay ilang beses natitinik at nasugatan. Si Maris ay ilang beses natutulak at natutumba. Nagre-require kasi ng takbuhan, pisikal ang pelikula.

Ito ay sa direksiyon ni Topel Lee at showing sa July 12.

TALBOG – Roldan Castro