HATAW! D'yaryo ng Bayan hatawtabloid.com
NAGULAT kami sa post ni Mariel Rodriguez-Padilla na tumambad sa timeline namin noong isang araw dahil talagang tumatalak siya sa isang ‘tsuwariwap blogger’ na tinawag niyang stupid.
Kilala namin ng personal ang asawa ni Robin Padilla na hindi siya basta tumatalak ng walang matinding dahilan.
Hayun, isinulat pala ng tsuwariwap blogger na kasama si Robin sa entourage ni Mayor Rodrigo Duterte noong pumunta siya ng Russia at pera ng taxpayers ang ginastos nito.
Base sa post ni Mariel sa litratong kasama ang asawa sa group picture ng entourage ni PD30, “FYI, Robin Padilla paid for his airfare and hotel. He did not accept a position in the government, ticket pa kaya at pa hotel tatanggap siya?? hellooooooo! stupid ‘tsuwariwap’ blogger… Know your facts!? #wagiinitinuloko #puyatako #hindiakonatutulog.”
Hindi sa pagtatanggol din kay Robin na nakilala namin noong Utol Kong Hoodlum 2 (1992) days pa ay punumpuno ito ng prinsipyo na pakiramdam namin ay ito yata ang pinakain sa kanya ni Mommy Eva Padilla simula bata.
Maski walang-wala na ang aktor ay hinding-hindi ito tumatanggap ng suhol kaya naman may yabang siya kung magsalita dahil may ipagyayabang naman talaga.
Nagkamali itong si Tsuwariwap Blogger nang isulat na tumatanggap o gumamit ng pera ng kaban ng bayan si Robin dahil hinding-hindi mangyayari talaga iyon.
Sa rami ng nasa litratong ipinost nitong blogger ay bakit si Binoe ang napagdiskitahan niya, ang dami kaya roong kasama sa entourage na nagpapasarap sa kaban ng bayan.
Hay naku, ang daming naghihirap na mga Filipino sa buong bansa, mahiya naman itong mga nakikinabang sa kaban ng bayan na wala namang kinalaman sa pagsama kay Digong.
FACT SHEET – Reggee Bonoan
