HATAW! D'yaryo ng Bayan hatawtabloid.com
MAGHIHIWALAY ng landas ang mga baguhang Flying V at Gamboa Coffee Mix na magtutuos para sa solo liderato sa PBA D-League Foundation Cup mamayang 10 am Ynares Sports Arena sa Pasig City.
Sa ikalawang laro sa ganap na 12 ng tanghali ay target ng Cignal HD ang ikalawang sunod na panalo kontra sa Zark’s Burgers.
Kapwa nagwagi ang Flying V at Gamboa Coffee Mix sa kani-kanilang opening day assignments.
Nakakumpleto ng three-point play si Jeron Teng upang talunin ng Flying V ang Cignal, 86-84. Nagbuslo naman ng game-winning free throw ang playing coach na si Leonides Svenido upang maungusan ng Gamboa Coffee Mix ang Zark’s, 85-84.
Bukod kay Teng, ang iba pang pambato ni Flying V Thunder coach Eric Altamirano ay si Thomas Torres, at ex-pros Joshua Webb, Bacon Austria, Gab Banal, Eric Salamat at Hans Thiele.
Katapat nila sa Gamboa Coffee Mix ang mga ex-pros na sina Ken Acibar, Jens Knuttle, Marcy Arellano at Val Acuna kasama ng mga amateurs na sina Mark Sarangay, Jett Vidal, Gino Jumao-as at Alvin Padilla.
(SABRINA PASCUA)
