HATAW! D'yaryo ng Bayan hatawtabloid.com
ITINAPON sa ‘kangkongan’ ni Department of Justice (DoJ) Secretary Vitaliano Aguirre II, ang dalawang ahente ng National Bureau of Investigation (NBI), sinasabing kabilang sa tumatanggap ng payola mula sa kilalang bigtime gambling lord na si Charlie “Atong” Ang.
Pahayag ng kalihim, may nakalap silang matibay na ebidensya, nagpapatunay na kasama ang dalawang ahente ng NBI sa protection racket kay Ang.
Habang isinasagawa ang imbestigasyon, inilipat muna ni Aguirre ang dalawa sa ibang lugar.
Tumanggi ang kalihim na tukuyin kung saan itinalaga ang dalawang NBI agent, sinabing hindi iyon mahalaga kundi ang mapatunayang lumabag sa batas si Ang.
Samantala, sunod-sunod ang ikinasang anti-illegal gambling operations ng NBI sa Baguio City, nagresulta sa pagkakaaresto sa 70 katao. (BRIAN GEM BILASANO)
