Let’s pray for Syria let’s pray for world peace

ISANG mensahe po ang ating natanggap.

Ito po ang nagaganap ngayon sa Syria.

Kamakalawa ay ika-100 anibersaryo ng paglahok ng Estados Unidos sa World War I (WWI). Nagkataon na kahapon rin ang nakagugulat na 180 degree turn-around decision ng US na hindi siya makikialam sa Syria ay inilunsad ang  59 Tomahawk missiles bilang “flexible deterrent action” para ipakita ang tugon laban sa chemical attack ni Assad.

Walang umaatras. Tinawag ito ng Russia na insulting “Trumped up” move at nakatakdang gumanti.

Bumagsak na ang Global stocks, sumirit ang oil prices at ang UN countries ay komplikado ang mga posisyon.

Bantayan po natin ang mga susunod na kaganapan sa ating panahon.

Patuloy po tayong magdasal na huwag humantong sa World War III, ang nagaganap sa Syria.

Let’s keep our fingers crossed.

BIG ONE IS COMING,
MAGHANDA
AT MAGING LIGTAS

Huwag na po natin pagdudahan ang babala ng PhiVolcs na mayroong nakaambang “Big One.”

Batay sa sunod-sunod na lindol at aftershocks, mayroon nga.

Hindi po natin kayang pigilan ang batas ng kalikasan.

Ang puwede lang natin gawin ay maging handa. Ihanda po natin ang emergency kits at turuan ang mga matatanda at bata kung paano poprotektahan ang sarili sa oras na dumating ang Big One.

Ituro rin kung saan ang itinakdang evacuation centers ng NDRRMC.

Huwag mahiyang mag-earthquake drill ang bawat pamilya sa inyong mga tahanan.

Huwag po nating hintayin na sabihin sa ating sarili na, nasa huli nga ang pagsisisi.

Higit sa lahat, huwag po kalimutang magdasal sa  Dakilang Tagapagligtas.

Maghanda! Magdasal at magtiwala!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap