HATAW! D'yaryo ng Bayan hatawtabloid.com
USAPING Nora Aunor pa rin, may ilang netizens din ang nanghinayang na hindi siya natuloy sa TNT bilang hurado dahil mas ginusto nitong maglaro ng Jack en Poy.
Sabi ng netizens, “mas gusto raw nya makipag jack en poy eh, kesa maging hurado sa TNT.” At “dapat sa TNT na lang siya sumipot bilang hurado, nandoon pa ang ibang winners noon ng TNT.”
May inihandang bonggang tribute pa naman sa mga nanalo ng TNT noon at kasama nga si Nora dahil siya ang pinakasikat na grand champion.
Bale ba hindi naman siya pinatulan ni Vice sa mga parunggit niya at mas ginusto ng TV host na manahimik na lang.
Ending, talo naman si Nora sa Jack en Poy, sabi nga ni Claire de la Fuente, ‘Sayang.’
FACT SHEET – Reggee Bonoan
