HATAW! D'yaryo ng Bayan hatawtabloid.com
MARAMI ang humahanga kay NBI Director Dante Gierran dahil siya’y makatao at may puso sa kapwa. Palibhasa’y working student at dating security guard kaya naman alam niya ang hirap ng isang tao na nagsusumikap sa buhay.
Aktibo rin siya sa mga gawain sa Couples of Christ.
Komento nga ng NBI rank and file employees, isang God-fearing man siya. Hindi kailan man naging mapagmataas.
Kita naman ninyo, ang leadership niya na maraming accomplishments ang NBI ngayon.
Tapat sa bansa natin at laging nakaalalay sa lahat ng programa ni Pangulong Duterte.
Walang kadungis-dungis ang pangalan sa public service at sinsero na tulungan ang bayan sa magandang pagbabago ng ating bansa sa kautusan ni Pangulong Duterte.
Mabuhay ka Director Gierran!
***
Sa ngayon ay tuloy ang lifestyle check sa gobyerno particular sa BIR, Immigration, DPWH, PAGCOR, LTO, LTFRB, at Department of Agriculture.
***
Dapat imbestigahan na ang isang alias JAY-R na isang smuggler. Puro palundag ang trabaho at misdeclaration ang modus sa customs.
Siya ang utak ng smuggling ng cellphone, tiles, resins, fake products, alak at sigarilyo sa POM at MICP.
Siya ang unang dapat hulihin ng NBI at kasuhan ng smuggling!
Isama na rin ang isang smuggler ng kotse na isang alkalde sa Rizal!
PAREHAS – Jimmy Salgado
