HATAW! D'yaryo ng Bayan hatawtabloid.com
MATUTUWA ang mga Pinoy abroad lalo sa Canada at Estados Unidos (ES) dahil dadayuhin sila ng ULOL at ni Daniel Matsunaga para ihandog ang isang hindi makalilimutang comedy show.
Ultimate Laugh Out Loud ang ibig sabihin ng ULOL na kinatatampukan ng mga patok na comedy bar performers dito sa ating bansa.
Matapos ang Europe Comedy Tour ng grupo nina Kim Idol, Petite, Le Chazz, Pepat, Matt Gozun with Daniel Matsunaga nitong nakaraang Nobyembre 2016, isusunod nila ang kanilang Canada-US Comedy Tour ngayong buwan ng Marso at Abril 2017.
Kabilang sa mga lungsod na kanilang dadayuhin ang Edmonton, Calgary, Regina, Grand Prairie, Vancouver, Prince George, Seattle, Oregon, Texas Arizona, Vegas, Minnesota, Alaska, San Francisco San Diego, Los Angeles, Chicago, Boston, at New York.
Ang ULOL at Matsunaga Comedy Tour ay inihahandog ng JC Premier, at ng kauna-unahang first networking company (food cart business) na takdang sakupin ang Europe mula sa Filipinas, kasabay ng pagpapalawak sa buong mundo sa pamamagitan ng team UNLI. (GMG)
