HATAW! D'yaryo ng Bayan hatawtabloid.com
PATAY ang isang lola habang tatlo ang sugatan kabilang ang isang bombero, sa sampung oras na sunog sa NIA Road, Brgy. Pinyahan, Quezon City.
Sa ulat ni Sr. Supt. Manuel Manuel, QC fire marshal, kinilala ang namatay na si Corazon Teozon, 74, alyas Lola Goring, sa nabanggit na lugar.
Halos hindi na makilala ang bangkay ni Lola Goring nang matagpuan sa nasunog nilang bahay.
Sugatan sa matinding paso si FO1 Benjar A-gatep at dalawang residenteng sina Cherry Velasco, 29, at Albert Holumberyo, 28-anyos.
Ayon kay Senior Supt. Manuel, dakong 6:30 pm kamakalawa nang magsimula ang sunog sa 2 storey residential house na gawa sa kahoy, pag-aari ng isang nagngangalang Ramon.
Umaabot sa 500 bahay ang natupok habang 1,000 pamilya ang nawalan ng tirahan.
Bago maapula ang sunog dakong 12:48 am kahapon, ang sunog ay umabot sa task force delta ang alarma.
ni ALMAR DANGUILAN
