HATAW! D'yaryo ng Bayan hatawtabloid.com
MAY labada si Nora!
Taga-San Miguel, Bulacan ang nagmamay-ari ng mga bagong produktong sabong panlaba o detergent, dishwashing liquid at fabric conditioner na si Mark David Maon. And obviously, a true-blue Noranian!
Ito ngayon ang nagpabalik ng ngiti sa labi ng Superstar nang kunin niya ito para i-endorse ang OXYBright Detergent na unang inendoso ni Snooky Serna last year!
Ang puso raw para sa masa ng Superstar ang isa sa dahilan kung bakit siya ang napisil ng kompanya ni Mark na mag-promote ng produkto sa print ads muna.
Taong 1995 nang huling mag-endorse ng produkto si Aunor—Lucky Me. At bago siya namalagi sa bayan ni Uncle Sam, nag-promote siya ng Miami Karaoke.
Ayon sa spokesperson ni Aunor na si Robert Gannon, “Ate, ginagawan niya talaga ng paraan ang lahat ng dumarating sa kanya. Kaya lang sumasabay ang mga bayaran sa bahay. Sa koryente. Sa mga bill. Kaya matutuwa ka na ngayon, disiplinado siya sa pag-aayos ng budget niya. Lalo na kapag may dumarating na biyaya gaya nitong endorsement at ‘yung ‘Kabisera’!”
At sana, bumili ng sabong panlaba at manood ng Kabisera ang mga tilirerang fans para maramdaman naman ng idolo nila ang suporta nila!
HARDTALK – Pilar Mateo
