HATAW! D'yaryo ng Bayan hatawtabloid.com
PATAY ang isang 22-anyos truck helper makaraan maipit sa pagitan ng van at konkretong pader nang biglang umatras ang nasabing sasakyan na kanilang itinutulak kamakalawa ng gabi sa Navotas City.
Hindi na umabot nang buhay sa Tondo Medical Center ang biktimang si Reynaldo Quirao ng LRT Landasca St., Caloocan City.
Ayon kay PO2 Joseph Provido, dakong 10:50 pm nang maganap ang insidente sa loob ng compound ng Pipe Bee Corp. sa 1 Guillermo St., Brgy. San Rafael Village sa nasabing lungsod.
Napag-alaman, tumulong si Quirao sa pagtulak ng aluminum van (AKS-339) na minamaneho ni Margaripo Lopez, Jr., 49, nang bigla itong umatras naging dahilan upang maipit ang biktima sa pagitan ng nasabing sasakyan at pader. (ROMMEL SALES)
