Nilayasan ng dyowa, kelot nagbigti

NAGBIGTI ang isang 37-anyos lalaki makaraan layasan ng kanyang live-in partner sa Malabon City kamakalawa ng gabi.

Kinilala ang biktimang si Ronald Dalisay, residente sa Gov. Pascual St., Sitio 6, Brgy. Catmon ng nasabing lungsod.

Sa salaysay ng saksing si Justine Fuentes kina PO3 Alexander Dela Cruz at PO2 Roldan Angeles, dakong 7:30 pm, pumunta siya sa bahay ng biktima upang dalhan ng kanyang hapunan.

Ngunit laking gulat niya nang makitang nakaluhod sa semento ang biktima at nakatali ang leeg sa kisame.

Patuloy ang follow-up investigation ng pulisya upang mabatid kung may naganap na foul play sa pagkamatay ng biktima.

(ROMMEL SALES)