Tulak ng shabu tigok sa motel

PATAY ang isang lalaking suspek sa pagtutulak ng shabu makaraan lumaban sa mga awtoridad sa buy-bust operation sa isang motel sa Brgy. Lolomboy, Bocaue, Bulacan kahapon.

Kinilala ang napatay na si Roy Sarecon alyas Roy, nasa hustong edad, residente sa Brgy. Biñang First sa nasabing bayan.

Sa inisyal na ulat ng pulisya, isang magandang babae ang nagpanggap na buyer ngunit nakatunog ang suspek kaya pumalag at nagpaputok ngunit gumanti ng putok ang mga awtoridad na kanyang ikinamatay.

( DAISY MEDINA )