27 sachet ng shabu kompiskado sa mag-asawa

CAUAYAN CITY, Isabela – Nasa 27 sachet ng hinihinalang shabu ang nakompiska isang mag-asawa sa follow-up operation ng Cauayan City Police Station sa Santiago City, Isabela kahapon.

Kinilala ang mga nadakip na sina Walter Esparagosa, 32, at Maricar, 26, kapwa residente ng Brgy. Rizal, Santiago City.

Nakuha sa pag-iingat ng mag-asawa ang 27 plastic sachet ng shabu kapalit ng P2,000 bilang buy bust money at apat cellphones na ginagamit sa kanilang transaksiyon.

Naganap ang transaksiyon sa Purok 3, Brgy. Mabini, dakong 3:00 pm kahapon.

Una rito, nahuli sa drug buy bust operation sina Mickey Mangunay, 26, at Mark Sherwin Blas, 31-anyos.

Ibinunyag nina Blas at Mangunay na sa mag-asawa nila kinukuha ang illegal na droga.

Agad nagsawa ng follow-up operation ang Cauayan City Police Station na nagresulta ng pagkakadakip sa mag-asawang Esparagosa.