HATAW! D'yaryo ng Bayan hatawtabloid.com
PATAY ang isang pulis ng Quezon City makaraang humampas ang minamanehong sasakyan sa center island sa Quezon Avenue/EDSA tunnel kahapon ng madaling araw.
Kinilala ni Supt. Cipriano L. Galanida, hepe ng Quezon City Police District Traffic Enforcement Unit, ang biktimang si SPO2 Bryan L. Mateo, 39, nakatalaga sa Fairview Police Station 5, at nakatira sa 43 Elma St., Don Fabian Village Village, Brgy. Commonwealth, ng lungsod.
Sa imbestigasyon ng Traffic Sector 6, dakong 1 am, minamaneho ni Mateo ang kanyang Toyota Corolla (TXM 838) at binabagtas ang Quezon Ave. Extension patungong Maynila galing Commonwealth Ave., nang mawalan ng kontrol ang sasakyan at humampas sa pader sa center island na nagresulta sa pagkamatay ng pulis.
( ALMAR DANGUILAN )
