Paolo, puwede nang magtaas ng TF

BIDANG-BIDA ang aktor na si Paolo Ballesteros dahil siya ang nagwaging Best Actor sa katatapos na Tokyo International Film Festival via the movie, Die Beautiful na idinirehe ni Jun Lana.

Mula sa red carpet hanggang sa awards night, palaging nakasuot at hitsurang babae si Paolo.

Noong lumakad siya sa red carpet ay nag-ala Angelina Jolie siya at sa mismong awards night, nag-ala Julia Roberts naman siya.

Nagpasalamat si Paolo sa TIFF for embracing their film.

Kuwento ng isang transwoman ang Die Beautiful na ang huling hiling, kapag namatay siya ay bihisan ng mala-Lady Gaga.

Nakaka-proud ang panalong ito ni Paolo.

Eh, alam n’yo naman ang mga Hapon, masyadong metikuloso ‘yan sa lahat ng bagay at hindi mo basta-basta mapapabilib. Kaya, natitiyak kong well-deserved ang panalong ito ni Paolo.

At sa totoo lang, puwede na siyang magtaas ng TF sa Eat Bulaga dahil isa na siyang international award-winning actor.

Congratulations, Paolo!

MAKATAS – Timmy Basil