HATAW! D'yaryo ng Bayan hatawtabloid.com
MUKHANG magtatagal pa sa ere ang kasalukuyang Pinoy Big Brother Season 7. Siguro’y mataas ang rating nito kaya in-extend nang in-extend. Mula sa celebrity housemates, napunta sa teen housemates, at ngayon naman may bagong pasok na pitong regular housemates at isa rito ang beauty queen/singer na si Ali Forbes.
Second runner-up sa Binibining Pilipinas si Ali at inilaban siya sa kauna-unahang Miss Grand International na ginanap noon sa Bangkok, Thailand na nanalo siya bilang 3rd runner-up.
Professional singer din si Ali (bagamat wala pa siyang album) pero kungsaan-saang sikat na hotels and lounges siya regular na nagpe-perform. Bukod sa Tagalog (bilib na bilib ako sa kanya kapag kinakanta na niya ang mga makalumang Tagalog/Kundiman songs), Ali also sings Mandarin, French at iba pang lengguwahe.
Nagkaroon din ito ng sariling TV show ang Pinay Beauty Queen Academy.
Sa pitong bagong pasok sa PBB, apat sa kanila ang agad kong natandaan, si Ali, ang international model na si Tanner Mata, ang Batanguenang si Baninay, at ang mestisang si Cora.
MAKATAS – Timmy Basil
