HATAW! D'yaryo ng Bayan hatawtabloid.com
PATAY ang isang hinihinalang drug pusher nang lumaban sa mga operatiba ng Quezon City Police District (QCPD) habang nakatakas ang dalawa niyang kasama sa buy-bust operation sa Brgy. Payatas ng nasabing lungsod.
Sa ulat ni Supt. Lito E. Patay, hepe ng QCPD Batasan Police Station 6, kay QCPD Director, Sr. Supt. Guillermo Lorenzo T. Eleazar, kinilala ang napatay na si Isaac Pabilona, 32, ng 58 San Vicente St., Brgy. Payatas, ng lungsod.
Dakong 11:00 pm kamakalawa nang ikasa ng Batasan PS 6 Station Anti-Illegal Drugs (SAID) ang buy-bust operation laban sa mga suspek sa Sampaguita St., Brgy. Payatas ngunit lumaban si Pabilona sa mga pulis na nagresulta sa kanyang pagkamatay habang nakatakas ang dalawa niyang kasama.
( ALMAR DANGUILAN )
