PATAY ang dalawa katao nang pagbabarilin ng riding-in-tandem suspects at dalawa ang sugatan kabilang ang isang paslit na tinamaan ng ligaw na bala, habang namatay rin ang mga suspek makaraan makipagbarilan sa nagrespondeng mga pulis sa Caloocan City kahapon ng madaling-araw.
Agad binawian ng buhay sa insidente ang mga biktimang sina Noel Kilantang, 40, at alyas Teresa, 45-anyos.
Habang ginagamot sa Tala Hospital si Jeffrey Cacheco, 35, at inoobserbahan ang kalagayan ng 2-anyos na si Mark Jayson Cacheco.
Ayon kay Caloocan Police Station Investigation Division (SID) Chief Insp. Illustre Mendoza, dakong 1:05 am nang pagbabarilin ng riding-in-tandem suspect sa loob ng bahay sa Raja Sulayman St., ang kanilang target na hinihinalang sangkot sa droga na sina Kilantang at Teresa. Sa kasamaang palad tinamaan din ng bala ang dalawa pang biktima.
Pagkaraan ay mabilis na tumakas ang mga suspek ngunit naabutan ng nagrespondeng mga tauhan ng PCP 5 na nagresulta sa palitan ng putok.
Pagkaraan ay tumimbuwang na walang buhay ang mga suspek pa hindi pa natutukoy ang pagkakilanlan.
( ROMMEL SALES )
