HATAW! D'yaryo ng Bayan hatawtabloid.com
CEBU CITY – Wala pang 24 oras mula nang mapatay ang isa sa itinuturong nasa likod nang pagpatay sa dating misis ni Kerwin Espinosa na si Analou Llaguno, isa na naman sa tatlong itinuturong suspek ang bumulagta makaraan pagbabarilin.
Ang suspek ay kinilalang si Richard Jungoy, residente sa Brgy. Duljo Fatima, Cebu City.
Ayon sa mga saksi, lumabas ng bahay si Jungoy para bumili ng sigarilyo nang biglang dumating ang isang motorsiklong sakay ang dalawang hindi nakilalang gunman at siya pinagbabaril.
Sa imbestigasyon ng pulisya, posibleng isa si Jungoy sa mga tauhan ng big time drug lord na si Jaguar na dati ring nakarelasyon ni Llaguno.
Napag-alaman, si Llaguno ang nagbigay ng tip sa kinaroroonan ni Jaguar sa mga pulis kaya’t nahuli at napatay sa Las Piñas City.
