Ipagdasal natin ang mag-inang Mark at Alma

BAGO pa man nahulihan ng marijuana, nakausap pa naming si Mark Anthony Fernandez. Nagulat pa nga kami dahil ibang-iba na ang aura niya, ang pogi-pogi, mala-brusko ang dating, astig at maangas, mas soft tingnan kompara kay Rudy Fernandez na tatay niya.

Pero natuwa naman kami dahil makikita mo sa kanya ‘yung pag-angat ng pagma-mature niya. Sa pamamagitan nito, nagbabalik ang icon na si Rudy sa katauhan ng panganay niyang anak na si Mark. Tiyak na matutuwa ito dahil may sumunod sa kanyang mga yapak. Bagamat nandiyan din ang dalawa pa niyang anak na sina Rap at Renz na gumagawa na rin ng pangalan. Mas naunang nakasunod si Mark sa yumaong ama sa larangan ng showbiz. Sa telebisyon, most especially sa GMA7.

Sayang at napasabay pa ‘yang pagbili ng marijuana ni Mark sa Angeles City, ngayong binabanatan ng mga bagong halal sa ating gobyerno ang droga. Maliit man o malaki, barya man o milyong-milyon na salapi, basta’t nahuli ka ng mga awtoridad, either kulong ka o timbog kung manlalaban ka pa. Kaya sa pagkakahuli sa checkpoint from Angeles City going to Manila, nandoon si marijuana sa sasakyan niya. At soon, alam na ninyo ang buong story, at ang huling news about Mark ay ang paglipat sa kanya sa Angeles City Provincial Jail.

Matibay na panalangin ang iukol natin para sa safety ni Mark Anthony. Take note, simula nang mahuli ang actor at makulong, ang fans, dagsa na nakapaligid sa harap ng municipal jail. Halos araw-araw ding naroon ang kanyang inang si Alma Moreno na balitang may inuupahan ng bahay para mapalapit sa anak. Panay daw ang iyak at puro masasarap na pagkain ang niluluto at dinadala sa kulungan.

Para kina Mark at Alma, malalampasan ninyo ang mga pagsubok na ‘yan basta keep on praying!

NO PROBLEM DAW – Letty G. Celi