Wanted ex-cop arestado sa Thailand – PNP chief

BUMALIK na sa bansa si Philippine National Police chief, Director General Ronald “Bato” Dela Rosa mula sa Thailand nitong Sabado ng gabi, kasama ang isang dating pulis na wanted.

Sa Facebook page ni PNP chief, nag-post siya ng larawan kasama ang isang indibidwal na dating pulis na wanted sa kasong kidnapping for ransom with homicide.

Ayon kay Dela Rosa sa kanyang post, ang suspek na kinilalang si Alexander Pangilinan ay 10 taon nang nagtatago at nagtatrabaho bilang isang resort manager sa Thailand.

Ang suspek ay kasama ni Dela Rosa nang dumating sa Ninoy Aquino International Airport bandang 6:00 pm sakay ng Philippine Airlines flight PR 731.

“A very productive hunting trip with this ex-cop fugitive who has been wanted for kidnapping for ransom with homicide as the catch. Suspect fled the country and evaded arrest for 10 years while employed as resort manager in thailand,” post ni PNP chief Dela Rosa sa kanyang Facebook page.