Ex-singer/actress pumanaw sa atake sa puso

PUMANAW na ang dating singer-actress na si Dinah Dominguez.

Inatake si Dominguez sa puso habang nasa loob ng banyo ng kanyang bahay kamakalawa ng gabi.

Si Dinah ay ina ng dati ring singer na si Champagne Morales.

Ang dating aktres ay nagsimula sa industriya noong dekada 70.

Kabilang sa mga pelikula niya ang Jabidah Massacre, Boy Apache, Labas sa Batas, Ang Paghihiganti ni David Burdado, at McBain.

Tinagurian si Dominguez na “Disco Punk Queen” at ilan sa kanyang mga awitin ang “Burning Up” at “Backstreet Romance.”