Parak tigok sa sinitang kelot

PATAY ang isang pulis makaraan barilin sa ulo ng hindi nakilalang lalaki makaraang sitahin ng biktima sa Caloocan city kahapon ng madaling araw.

Kinilala ang biktimang si PO2 Rancel Cruz, 36, nakatalaga sa Caloocan Police Community Precinct (PCP)-2, at residente sa Cebu St., Sampaloc, Maynila.

Ayon kay Caloocan City police chief, Sr. Supt. Jhonson Almazan, dakong 1:10 am, nagpapatrolya ang biktima habang sakay ng kanyang scooter sa 3rd Avenue, Brgy. 119, Grace Park nang sitahin ang suspek dahil sa nakabukol sa baywang.

Ngunit bumunot ng baril ang suspek at pinaputukan ang biktima saka mabilis na tumakas.

( ROMMEL SALES )