Bebot na biktima ng rape-slay itinapon sa Bicol park

NAGA CITY – Inaalam pa ng mga awtoridad ang pagkakilanlan ng bangkay ng isang babae na iniwan sa Bicol Natural Park sa Basud, Camarines Norte.

Ayon sa ulat, natagpuan ng grupo ng bikers ang bangkay ng hindi pa nakikilalang babae kamakalawa.

Sa imbestigasyon ng pulisya, nakitaan ng sugat sa maselang parte ng kanyang katawan ang babae at sinasabing sinakal ng hindi pa nakikilalang suspek.

Pinaniniwalaang hinalay ang naturang babae at saka iniwan sa Bicol Natural Park.

Habang ayon sa isang testigo, may nakita siyang isang kotse na patungo sa Lungsod ng Naga at tila nagkakaroon nang mainitang pag-aaway ang babae at lalaking sakay nito.

Tinatayang 25 hanggang sa 30-anyos ang edad ng babae at 5′ ang tangkad.