Pull-out ng US military transport, equipments sinimulan na

NAGSIMULA nang mag-pull-out ng ilang mga kagamitan, transport vehicle ang US military na naka-deploy sa Zamboanga City.

Sa katunayan, dumating na sa Zamboanga International Airport ang US C-17 transport plane para i-pick-up ang ilang service vehicles at equipment ng mga sundalong Amerikano.

Kinompirma ng PNP Aviation Security Group sa Zamboanga ang pagdating ng US cargo plane.

Ayon kay Zamboaga PNP Aviation Security Group Chief, Police Chief Insp. Roderick Salem, nakipag-ugnayan ang US military kaugnay sa pagdating ng US C-17 sa Civil Aviation Authority of the Philippines (CAAP).

Sa kabilang dako, “no comment” ang pamunuan ng Western Mindanao Command (Wesmincom) kaugnay sa unti-unti nang pag-pull-out ng US military ng kanilang mga kagamitan.