HATAW! D'yaryo ng Bayan hatawtabloid.com
APAT hinihinalang drug personalities ang namatay makaraan pagbabarilin ng pinaniniwalalang mga vigilante sa magkakahiwalay na insidente sa Caloocan City.
Ayon kay Caloocan City police chief, Senior Supt. Johnson Almazan, dakong 1:00 am, nasa loob ng kanilang bahay kasama ang kanyang pamilya, si Jacqueline Barchita, 27, ng Phase 3, Pkg. 3, Blk. 84, Lot 7, Brgy. 176 Bagong Silang nang dumating ang mga suspek at siya ay pinagbabaril.
Dakong 1:30 am habang natutulog sa loob ng kanyang bahay si Willy Espiritu, 41, sa Blk. 7, Lot 4, Phase 4, Brgy. 168, Natividad Subdivision, Deparo nang pagbabarilin ng tatlong hindi nakilalang lalaki.
Sa Camarin, nagpapahinga sa loob ng kanilang bahay si Rogelio Cama, 53, kasama ang kanyang live-in partner na si Irene Marquez, sa 5181 San Vicente, Guyabano Dulo, Brgy. 178 nang paputukan ng tatlong suspek dakong 12:10 am.
Dakong 8:30 pm, nakatayo si Saturnino Antonio, 49, construction worker, ng Block 4, Lot 2, Sunriser Square, Brgy 187 Llano Road, sa labas ng kanilang bahay nang paputukan ng riding-in-tandem suspect.
( ROMMEL SALES )
