2 utas sa ratrat sa Taguig

DALAWANG lalaki ang natagpuang patay nitong Lunes sa Tanyag Road, Zone 6, South Signal, Taguig City.

Tadtad nang tama ng bala ang dalawang hindi pa nakikilalang lalaki na ang isa ay nilagyan ng karatulang “Pusher user ako huwag tularan”.

Sa paligid ng bangkay ay nagkalat ang 20 basyo ng bala.

Ayon sa ilang residente, nakarinig sila ng mga tunog ng motorsiklo at boses ng ilang lalaking tila pinatatakbo palayo ang mga biktima.

Walang nakitang pagkakakilanlan ang mga residente sa natagpuang mga bangkay.

TANOD, 1 PA TODAS  SA TANDEM

PATAY ang isang barangay tanod at kanyang kaibigan makaraan pagbabarilin ng dalawang lalaking sakay ng motorsiklo sa Brgy. Payatas, Quezon City, iniulat ng Quezon City Police District (QCPD) kahapon.

Kinilala ni Supt. Lito Patay, hepe ng QCPD Batasan Police Station 6, ang dalawang biktimang sina Frederick Davis, 47, tanod ng Brgy. Commonwealth, Quezon City, at Arjay Lumagod, 33-anyos.

Ayon sa ulat, dakong 12:05 am kahapon, habang lulan ng motorsiklo ang mga biktima at binabaybayan ang Payatas Road, Brgy. Payatas nang bigla silang pagbabarilin ng dalawang lalaking nakamotorsiklo.

( ALMAR DANGUILAN )