HATAW! D'yaryo ng Bayan hatawtabloid.com
LIMA katao ang napatay ng mga awtoridad habang 85 katao ang inaresto sa isinagawang ”One-Time-Big-Time” (OTBT) anti-criminality operation sa loob ng Navotas Fish Port Complex kahapon ng umaga sa Navotas City.
Kinilala ni Senior Supt. Dante Novicio, hepe ng Navotas City Police, ang mga napatay na sina Gerald Butillo, 35; Vicente Batiancilla, 31, habang ang tatlo pa ay kinilala lamang sa alyas na Champoy, Nono at Alvin Toyo.
Sa ulat ni Insp. Jess Sagisi, dakong 5:00 am nang isagawa ang OTBT operation sa kahabaan ng Market 3 sa loob ng Navotas Fish Port Complex nang pinagsanib na puwersa ng Navotas Police, Northern Police District (NPD) Special Weapons and Tactics (SWAT) at ng District Public Safety Company (DPSC).
Sinasabing lumaban ang lima na nagresulta sa kanilang pagkamatay, habang 85 ang dinala ng mga awtoridad sa himpilan ng pulisya para maberipika kung sila ay may mga kaso.
( ROMMEL SALES )
