3 pugot na ulo, natagpuan sa Quezon

NAGA CITY – Masusing iniimbestigahan ng mga awtoridad ang hinggil sa natagpuang tatlong pugot na ulo ng tao kamakalawa sa Brgy. Cambuga, Mulanay, Quezon.

Nabatid na natagpuan ng mga barangay tanod ang isang sunog at pugot na ulo ng tao.

Bunsod nito, agad hinanap ng pulisya ang katawan ng pugot na ulo ngunit ang sunod na natagpuan ay isang sako na may laman na dalawa pang pugot at sunog din na ulo.

Makalipas ang ilang minuto ay natagpuan ang putol na bahagi ng katawan mula baywang hanggang paa.

Aminado ang mga pulis na nahihirapan silang kilalanin ang mga biktima dahil bukod sa pinira-piraso ito ay sinunog pa ng hindi  nakikilalang mga suspek.