Buntis pinatay isinilid sa sako

ISANG bangkay ng babaeng pinaniniwalaang buntis ang natagpuang nakasilid sa isang sako sa bakanteng lote sa Santa Rosa, Laguna kamakalawa.

Ayon sa ulat, nakita ang hindi pa nakikilalang biktima dakong 3:00 pm sa bakanteng lote ng Brgy. Ibaba sa Santa Rosa.

Isang pulang kotse ang sinasabing nagtapon sa bangkay na tinatayang edad 25 hanggang 30, at nakasuot ng itim na leggings at asul na t-shirt.

May suot na relo at anklet ang biktimang pinaniniwalaang sinakal gamit ang bra.

Ayon sa mga awtoridad, walang nakitang sugat mula sa tama ng bala ng baril o saksak ang biktimang posibleng buntis.

Sinsiyasat ng mga imbestigador kung mayroong CCTV na maaaring makatulong upang malutas ang krimen.