HATAW! D'yaryo ng Bayan hatawtabloid.com
BUTUAN CITY – Sugatan ang isang judge at ang kanyang driver-bodyguard makaraan tambangan ng hindi nakilalang mga suspek dakong 7:00 am kahapon sa Purok 3, Brgy. Lemon sa lungsod ng Butuan.
Kinilala ang mga biktimang si Judge Hector Salisi, residente ng Tamarind Road sa Brgy. Dagohoy sa lungsod at nakadestino sa Bayugan City sa lalawigan ng Agusan del Sur, at ang kanyang driver-bodyguard na si PO1 Edmund Narvassa.
Sa imbestigasyon ng Butuan City Police Station (BCPS-4), patungo sana sa kanyang trabaho ang huwes ngunit pagsapit sa nasabing lugar ay hinarang sila ng gray na Montero Sports at niratrat ang kanilang sasakyan.
Ayon kay Insp. Ronilo Dormitorio, hepe ng BCPS-4, nakapagmaniobra pabalik ang driver at nakahingi ng tulong sa mga pulis sa Compaq Post ng Brgy. Villa Kananga kaya’t mabilis silang nadala sa ospital.
