2 tiklo sa tangkang pagpuslit ng bala sa kulungan

AGAD nagsagawa nang sorpresang inspeksiyon ang mga tauhan ng Special Reaction Unit (SRU) at Intelligence Unit sa loob ng detention cell sa Navotas City makaraan mabuking ang tangkang pagpupuslit ng isang babae at lalaki ng magazine na kargado ng bala sa loob ng nasabing piitan.

Kinilala ni Navotas Police chief, Senior Supt. Dante Novicio ang mga suspek na sina Jeraldine Zepida, 20, ng 27 Lot 1, Anthurium St., Brgy. NBBS, at Orlando Capuz, Jr., 19, nadakip nina PO1 Jay-R Mawi-it at PO1 Melvin Laceste nang tangkain ipasok sa detention cell ang magazine ng kalibre .45 baril na kargado ng bala dakong 3:00 pm kamakalawa.

Ngunit nang inspeksiyonin ng mga duty officer ang inabot na paper bag ni Capuz ay natagpuan sa loob nito ang naturang magazine na kargado ng mga bala.

( ROMMEL SALES )