HATAW! D'yaryo ng Bayan hatawtabloid.com
ARESTADO ang dalawang ikinokonsiderang high value target sa pagtutulak ng droga sa buy-bust operation ng mga operatiba ng Quezon City Police District at Taguig City Police Station sa parking lot ng Sunshine Mall sa FTI, Taguig City kamakalawa.
Sa ulat kay QCPD Director, Sr. Supt. Guillermo Lorenzo T. Eleazar, kinilala ang mga nadakip na sina Suraida Guiomla alyas Aslia, 38, at Nasrudin Balabagan alyas Nas, 37, kapwa residente ng Upper Bicutan, Taguig City, kabilang sa QCPD Case Operation Plan (COPLAN) na ikinokonsiderang high-value targets (HVTs).
Ayon kay Eleazar, dakong 5 pm nitong SetyembrE 17, 2016, nang magkasundo sa transaksiyon sa Timog Avenue, Quezon City para sa P150,000 halaga ng shabu.
Ngnit nagbago ang isip ng dalawang suspek at sinabing sa FTI, Taguig City na lamang silang magkita.
Bunsod nito, agad nakipag-ugnayan ang QCPD District Anti-Illegal Drugs (DAID) sa Taguig City Police Station na nagresulta sa pagkaaresto sa mga suspek.
ni ALMAR DANGUILAN
