HATAW! D'yaryo ng Bayan hatawtabloid.com
NABIGLA ang pamilya Veloso kaugnay sa ulat na nagbigay na ng ‘go signal’ si Pangulong Rodrigo Duterte sa Indonesian government para ituloy ang execution kay Mary Jane Veloso kaugnay sa kasong drug trafficking.
Bunsod nito, hiniling ng Migrante International, kabilang sa mga grupong tumutulong sa pamilya Veloso, ang paliwanag mula kina Duterte at Foreign Affairs Secretary Perfecto Yasay kaugnay nito.
Magugunitang nang dumating si Duterte sa Filipinas nitong Biyernes, kinompirma niyang tinalakay niya kay Widodo ang kaso ni Veloso ngunit tumangging magbigay ng detalye.
