Onyok at JC, mag-ama raw

NATAWA ako sa kumakalat ngayon sa social media. Pinaglaruan ang larawan ng bagong sumisikat na aktor na si JC Santos ng Till I Met You at ang child actor ng teleseryeng Ang Probinsyano na si Onyok o Simon Pineda sa tunay na buhay. May nakalagay pa na caption na, “Sa wakas, nahanap na ni Onyok ang nawawala niyang ama.”

Pareho kasi silang kulot gayundin ang features ng kanilang mukha.

But of course, hindi dapat itong seryosohin dahil alam naman na may tunay na pamilya si Onyok na kasa-kasama niya sa tuwing may presscon o tapings.

Parehong sinusuwerte sina JC at Onyok sa kanilang career ngayon. Si Onyok ay sumalang na sa iba’t ibang contest pambata at napanood pa  siya sa Mini Me ng It’s Showtime na ginaya niya si Bamboo.

Si JC naman, ang dami nang pinagdaanan, marami nang nagawang  indie films at nagtrabaho na sa Disneyland sa Hongkong bilang singer/dancer at sa Universal Studios sa Singapore pero sa teleseryeng Till I Met You siya talagang nakilala. Iba talaga ang telebisyon.

MAKATAS – Timmy Basil