HATAW! D'yaryo ng Bayan hatawtabloid.com
KINOMPIRMA ni PNP chief, Director General Ronald Dela Rosa, inalok siya ng malaking halaga ng pera ng ilang gambling lords ngunit kanya itong tinanggihan dahil alam niyang malaki ang kapalit dito.
Sinabi ni Dela Rosa, sa sandaling mag-umpisa na ang kanilang kampanya laban sa illegal gambling, wala siyang pakialam kung sino ang masagasaan.
Ayon kay Dela Rosa, susunod nilang pagtutuunan nang pansin ang illegal gambling sa bansa at kanilang pupuntiryahin ang mga politiko o gambling politician.
Aniya, kung may narco-politicians may gambling politicians din.
Dagdag ng heneral, naka-focus sa ngayon ang PNP sa illegal na droga at sakaling matapos ang problema, sunod nilang target ang illegal gambling.
Banggit ng heneral, dapat mapuksa rin ang illegal gambling lalo na’t may mga politiko at mga pulis na may patong dito dahil maihahantulad sa droga ang illegal na sugal.
