Davao bombing inako ng ASG (Muling aatake)

ZAMBOANGA CITY – Inako ng Abu Sayyaf Group (ASG) ang responsibilidad sa pagpapasabog sa Davao City nitong Biyernes ng gabi.

Sinabi ni ASG spokesperson Abu Rami, ang Davao attack ay “call for unity to all mujahideen in the country” sa gitna ng all-out offensive ng military laban sa grupo.

Ayon kay Rami, ang pag-atake sa Davao ay hindi bahagi ng taktika para malihis ang atensiyon ng mga tropa ng gobyerno sa pagtugis sa mga bandido sa Sulu at Basilan.

Nagbabala siya nang katulad pang mga pag-atake sa susunod na mga araw.