HATAW! D'yaryo ng Bayan hatawtabloid.com
LA UNION – Hindi na umabot nang buhay sa Naguilian District Hospital ang isang lalaki makaraan mabangga ng bus ang minamaneho niyang motorsiklo kamakalawa.
Kinilala ng Naguilian Police Station ang biktimang si Roger Manongdo, 26, residente ng San Cornello, Caba, La Union habang ang driver ng bus ay si Quirino Tacloy Dawal, 43, ng Asin road, Baguio City.
Sa imbestigasyon ng pulisya, kapwa binabagtas ng bus at motorsiklo ang national highway sa bahagi ng Brgy. Bato nang biglang umagaw ng linya ang bus hanggang mangyari ang “head on collision.”
Dahil sa lakas ng impact, dumanas nang matinding pinsala sa katawan at ulo si Manobo na nagresulta sa kanyang kamatayan, habang walang nasaktan sa mga pasahero ng bus.
