Digong inatake ng migraine, sumuka

DAVAO CITY – Inamin ni Pangulong Rodrigo Duterte, sumusuka siya at nahihirapan sa kanyang sakit na migraine tuwing ito ay umaatake.

Ito ang dahilan nang pagkaantala sa kanyang mga dadaluhan sanang mga aktibidad kamakalawa.

Ayon kay Duterte, ang kanyang sakit ay resulta ng kanyang pagka-aksidente sa kanyang big bike noong siya ay 67-anyos pa lamang.

Na-disalign aniya ang kanyang spine at ito ang dahilan sa sobrang pananakit ng ulo kapag umaatake ang kanyang migraine.

Una rito, naantala nang halos apat na oras ang pagdalo ni Pangulong Duterte bilang guest speaker ng 10th Anniversary ng Eastern Mindanao Command.

Bago nagtalumpati, pinangunahan muna ng commander-in-chief ang pagbibigay ng award sa mga tauhan ng Eastern Mindanao Command.