Sidekick ni Kerwin Espinosa arestado

CEBU CITY – Naaresto ng mga operatiba ng Regional Special Operations Group (RSOG) ang pinaniniwalaang kasamahan ng itinuturing na drug lord na si Rolando Kerwin Espinosa Jr., sa loob ng isang pension house sa Brgy. Lorega, lungsod ng Cebu kahapon ng umaga.

Ayon kay SPO2 Reynaldo Solante, team leader ng nasabing operasyon, mismong ang management ng pension house ang nagsumbong sa pulisya hinggil sa kahina-hinalang aktibidad ni Roderick James Espina, 54, taga Maasin City, Southern Leyte.

Ayon kay Solante, sa apat buwan pananatili ni Espina sa pension house ay hindi nagpapapasok ng mga room boy para maglinis sa kanyang kuwarto. Makikita rin ang labas-pasok na mga babae.

Nakuha mula sa suspek ang illegal drugs, baril, bala, cash at kahinahinalang gamit kagaya ng bonnet.