HATAW! D'yaryo ng Bayan hatawtabloid.com
ZAMBOANGA CITY – Arestado ng anti-drug operatives sa lungsod na ito ang anim katao, kabilang ang magkapatid na may apilyedong Duterte, sa buy-bust operation nitong Lunes ng gabi.
Naaresto ng mga pulis ang mga suspek na sina Adrian at Arlyn Duterte, Stevenson Ardelesa, Ceejay Janal, Archie Quilante, at Jerrypaul Violanggo, pawang residente ng Don Alfaro, Tetuan, Zamboanga City.
Nakompiska mula sa mga suspek ang limang sachet ng shabu at ilang drug paraphernalia.
Sinabi ng magkapatid na sina Arlyn at Adrian Duterte, hindi nila kamag-anak si Pangulong Rodrigo Duterte, na nangakong susugpuin ang pagkalat ng krimen lalo na ang illegal na droga.
