Kapamilya & kapuso artists dapat maging huwaran sa kabataan

UMIINIT na nang husto ang isyu ng droga sa bansa lalo ngayong umiigting ang kampanya ng Duterte administration laban dito.

Anim na buwan ang pangako ni Pangulong Rodrigo “Digong” Duterte para resolbahin ang problema sa droga.

At totoo sa kanyang sinabi, kabila-kabila ang operasyon ng Philippine National Police (PNP) laban sa malalaking sindikato ng droga.

Mula sa mga pook na bantog sa talamak na droga hanggang sa loob mismo ng Bilibid na pinaniniwalaang pinagkakanlungan ng malalaking drug lord.

Kamakailan, pinuruhan na rin ni Digong ang local government at judiciary hanggang kay dating justice secretary ngayon ay Senadora Leila de Lima.

Tinamaan na rin ang entertainment industry. Ilang personalidad na ang napatay at naaresto na itinuturong sources o supplier ng iba’t ibang klase ng ilegal na droga sa showbiz.

Naniniwala tayo na sa ganitong panahon mayroong mahalagang papel an dapat gampanan ang showbiz industry.

Bakit hindi pangunahan ng mga Kapamilya at Kapuso artists ang pagpapa-drug tests para mapatunayan nila sa kanilang mga tagahanga na tama sila nang piliin nilang sila’y maging idolo.

Alam naman natin na malakas ang impluwensiya ng mga artista lalo sa dalawang malaking network na ‘yan.

Kaya naniniwala tayo na kung makikita ng mga kabataan na ang mga idolo nilang Kapamilya at Kapuso artists ay clean living, malaking tulong ito sa kampanya ni Pangulong Digong.

Ang tanong: sino kaya ang mauuna, ang Kapamilya o Kapuso stars?!

Palagay natin ‘e dapat na nilang umpisahan!

MGA PATAKARANG
‘TAMANG-DUDA’
NG BAGONG
MIAA AGM-SES

SHOCK to the max ngayon ang mga airport police dahil sa mga utos o mga patakaran na ipinaiiral umano ng bagong Assistant General Manager for Security and Emergency Service (AGM-SES) ng Manila Interntional Airport Authority (MIAA).

Isa raw sa mga utos na ito na sinimulan noong nakaraang buwan, ‘e ‘yung mag-selfie photo sila kapag naka-duty o posting na.

Bwahahahaha!

Ganyan daw ang tawanan ng mga airport police kasi hindi nila maintindihan kung bakit kailangan nilang gawin ang mag-selfie.

Ang issue daw kasi, may ilang airport police ang wala sa kanilang assigned post.

Anyway, wala naman daw problema kaya nag-comply naman ang mga airport police.

Kaya kapag dumarating sila sa airport, doon mismo sila nagse-selfie photo kung saan sila naka-post.

Okey naman kahit nagiging laughing stock na nga ‘yang selfie-selfie na ‘yan sa kanila.

Ang siste ngayon, may bago na namang order…

Selfie photo plus 30-seconds video na naroroon sa post nila.

Wattafak!?

“E paano kung hindi Android ang phone namin?!”

‘Yan mismo ang  dialogue ng mga Airport police. Kailangan pa raw nila maghintay ng kasama nila na naka-Android cellphone para makapag-selfie at makapag-video as requirements?

Para que na mayroong biometrics pa sila kapag pumapasok at nagdu-duty?

Pakiramdam tuloy ng Airport police ‘e para silang tinatratong bobo ‘e may mga pinag-aralan naman daw sila?!

Oo nga naman…

Kung duda nga naman sa airport police ang AGM-SES, kausapin nila para naman magkaroon ng pagkakataon na maipagtanggol ang kanilang sarili.

Kung mayroong kailangan sampahan ng kaso, e di sampahan ng kaso.

Paano naman daw kasi ‘yung wala namang ginagawang masama o bawal, pati sila ‘e nadadamay.

‘Yan po ang hinaing ng mga Airport police.

PAKIBASA QCPD
DISTRICT DIRECTOR
PSSUPT. GUILLERMO
ELEAZAR

HELLO po Sir! Maraming salamat po sa paglabas po ng issue about jan sa pulis Quezon city Garcia. Hanggang ngaun ginagawa pa rin nila ‘yan. Marami po kaming nabiktima n’yang mga mukang pera na ‘yan. Lahat kami pinilit lng pagbentahan nung asset nila ng droga kahit hindi naman namin talaga gnagawa un ni wala silang nakitang ebidensya na nagbebenta talaga ng drugs. Sa cellphone ung asset nila random na pumipili ng bibiktimahin pag alam na maraming kakilala at mukhang pwdeng perahan. Kaya kung sino man po ang kausap nyo about jan may isa po akong kakilala na biktima rin nila na willing makipagtulungan para matapos na ung gngawa nilang pagsira sa buhay ng mga biktima nila. Marami na pong nakaaalam sa sinulat nyo po pinakalat na po namin sa lahat ng biktima nila Garcia. Sana lang talaga may kalagyan na sila. Maraming salamat po sa patas na pagbabalita. Marami pa po sana kayo matulungan. Mabuhay po kayo! – joelga

—[email protected]

UNTOUCHABLE TULAK
SA DISTRICT 2 MANILA

TULOY pa rin ang pgtutulak ng mag-amang T. Mas (matangkad, maitim) at HO-BEN sa Brgy 184 Zone 16 ng Dist. 2 Manila. Mayabang ang mag-ama kc puro may mga baril at maraming opisyal ng pulis ang kamaganak. Kaya pala kahit 3 beses na nahuli e nakakalabas ang mag-ama. Pati mga galamay nìla na c BAROK na siga raw kc may baril din at runner ng mag ama sila SHE-LA, WA-TO at marami pa. Ginagawang puwestohan ang bahay sa Kalayaan St., sa Brgy. 184 nga Z-16 ang daming dayo na parokyano ang gumagamit. Pati ang tandem NOY-MAK sa Pagibig St., e may sistemang maliit na bentahan ng droga. Ang supplier nila c TRIKS, matabang kalbo na naka-motor Yamaha mx-i na black en white. Lalo pag tanghali at madaling araw naglipana ang droga at adik.

+6391675 – – – –

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap